#Toneelspel
Drama is ’n wonderlike hulpmiddel om leerders op verskeie vlakke te ontwikkel. Dit bied aan leerders die geleentheid om hul selfvertroue te bou, hul kreatiwiteit te stimuleer en hul kommunikasievaardighede te verbeter. Deur drama leer leerders om as ‘n span saam te werk, na mekaar te luister, hul emosies uit te druk en ander se gevoelens en perspektiewe te verstaan. Dit help hulle ook om probleme op te los, voor ’n gehoor op te tree en hul unieke talente te ontdek en te ontwikkel.
Ons skool se dramaprogram skep ’n veilige en stimulerende ruimte waar elke leerder die geleentheid kry om te groei, hulself uit te leef en hul volle potensiaal te bereik. Drama gaan nie net oor toneelspeel nie – dit gaan oor die ontwikkeling van selfvertroue, lewensvaardighede en die moed om jouself te wees.