#SingSaam
Ons senior koor is ons skool se uitvoerproduk! Koorsang is van hoogstaande gehalte. Volgens netheid kan hul deur ‘n ring getrek word en al die koorlede tree as ambassadeurs van ons skool op. Die senior koor skep ‘n veilige hawe vir leerders om hulle passie vir musiek en sang uit te leef.
Voordat leerders in die koor opgeneem kan word, moet hul ‘n stemtoets slaag. Gr. 4 tot 7-leerders is welkom om ‘n afspraak met die koorleier te maak sodat ‘n oudisie vir die koor afgelê kan word.
DIRIGENT:
Marni van der Westhuizen
BEGELEIDSTER:
Sanri Oosthuizen
OEFENTYE:
Maandae & Vrydae Oggende:
07:00
KOORDRAG:
Dogters: Skoolrok, swart baadjie (te huur teen R100 per jaar by die Klerebank), swart skoolskoene met wit sokkies (somer) of lang swart sykouse (winter), langhare – Franse vlegsel met goud lint (nie geel nie).
Seuns: Swart baadjie (te huur teen R100 per jaar by die Klerebank), wit langmouhemp (te huur), skooldas (te huur), grys skool langbroek, swart skoolskoene, lang grys sokkies.
Marinda Labuschagne is in beheer van baadjies vir optredes. Baadjies word voor optredes by die klerebank afgehaal en die eerste skooldag na optredes, terugbesorg.
OPTREDES:
Skemerklanke Koorfees
Musiek Montage
Outeniqua Koorfees (George Eisteddfod)
Carpe Musicam! Simfonie-orkes Musiek Extravaganza
Prestige-aand (Akademies prysuitdeling)
SPESIALE OPTREDES:
Kyknet Sing in Harmonie Skoolkoor-kompetisie
Die senior koor het in 2019 aan die Sing in Harmonie skoolkoor-kompetisie deelgeneem en tot die streeksfinaal deurgedring. Die koor was die algehele wenner van die Suid- en Oos-Kaap afdeling en het tot die nasionale finaal in Johannesburg deurgedring.
Wes-Kaap Onderwysdepartement Lewenslange Gala aand
Die Senior koor was bevoorreg om tydens 2019 as gaskoor by ‘n toekenningsgeleentheid van die Onderwysdepartement op te tree.
CANSA-Relay Diens
Die senior koor tree gereeld by funksies op waartydens diensbaarheid en medemenslikheid weerspieël word. Van hierdie optredes was tydens verskeie CANSA-Relay fondsinsamelingsprojekte.