#Aanhouerwen
Tweekamp-byeenkomste vind slegs in die eerste & vierde kwartaal plaas. Tweekamp bestaan uit 2 afdelings: ‘n hardloop- en ‘n swemafdeling.
Ouderdomme waarin Laerskool-atlete kan deelneem is o/8, o/9, o/11 en o/13.
Die ouderdomsgroep waarin die atleet kan deelneem, word bepaal volgens die atleet se ouderdom soos op 1 September van daardie spesifieke jaar.
AFSTANDE VIR DEELNAME VOLGENS OUDERDOMSGROEPE
o/8: 400m hardloop en 25m swem
o/9 en o/11: 800m hardloop en 50m swem
o/13-dogters: 1000m hardloop en 100m swem
o/13-seuns: 1200m hardloop en 100m swem
Tweekamp-atlete se hardloop- en swemtye word volgens ‘n punte-tabel bereken. ‘n Atleet word slegs in die EDEN-A-span opgeneem wanneer die atleet meer as 2 000 punte behaal het.
Byeenkomste word gewoonlik op Oudtshoorn gehou. Die hardloop-afdeling vind by die De Jagers sportstadion plaas en die swem by die NA Smit 50m-swembad.
Atlete kry geleentheid om aan proewe byeenkomste, 3 liga-byeenkomste, 2 inter-provinsiale en die SA-byeenkoms deel te neem. Vir die interprovinsiale en SA-byeenkoms moet atlete volgens die punte-tabel kwalifiseer.
KOÖRDINEERDERS:
Suzette van der Westuizen, Bianca Alberts