Veerkragtigheid

‘n Veer wat nat of vol modder is kan nie vlieg nie… Wat trek my kind af? Wat is die modder op sy vlerke? Hoe help ek hom om dit af te skud en te vlieg?

Onsekerheid kom sit maklik soos nat modder aan ‘n vlerk. Wanneer ons dit nie dadelik sien en afskud nie, word dit hard en kan dit die vere koek. Hoe help ek my kind om dit af te skud?

Met HOOP! Help hom om te kan hoop, om tussen die lyne die klein vryhede en lekkertes raak te sien. Om te kan raaksien jy kan nie Covid verander nie, maar hy/sy kan kies hoe om dit te hanteer. Kies om die ligpunte raak te sien, die genade tussen in deurweef.

Met DANKBAARHEID! Al gehoor van ‘n “attitude of gratitude”? Maak ‘n speletjie daarvan om te kyk wie kan eerste in die dag iets raaksien om dankie voor te sê. Wie kan vir die meeste goed dankie sê.
Met hierdie 2 goed in plek, leef jy voor jy weet, ‘n lewe van postiewe denke en is die modder af voor dit nog kon sit. Dit beteken ook dat ek en jy as ouers ‘n groot wag voor ons eie monde sal sit en probeer om ook saam te hoop en dankie te sê.

Ons kan hierdie doen! Ons is oorwinnaars in Christus, Hy wat ons nooit sal los nie! Veilig in Sy hand kan ons een vir een ons vere oplig en terug bons. Covid gaan ons nie onderkry nie, ons gaan hierdeur groei en sterker, positief en met dankbare harte anderkant uitkom!

Sprei jou vlerke en vlieg liewe Loerie!